José Benito Quintana Álvarez

Catedrático de Química Analítica. Doutor en Química en 2004 (USC). Tras realizar estadías posdoutorais na Universidade Técnica de Berlín (2004-2005) e na Universidade da Coruña (2005-2007), regresou á USC en 2007 como investigador Ramón y Cajal, establecéndose en 2013. Os seus campos de investigación máis relevantes son o desenvolvemento de métodos analíticos para a determinación de contaminantes e a súa aplicación para medir a exposición ambiental e humana a eles, así como a avaliación do abuso de substancias.

Coordina a rede ESAR-Net (www.esarnet.es) desde a súa fundación en 2017, é membro do grupo de coordinación da rede SCORE (www.score-cost.eu) e coordina o paquete de traballo sobre indicadores de consumo de drogas na rede RIAPAd (www.riapad.es).