Rodil Rodríguez, Rosario

Rosario Rodil é profesora na área de química analítica na USC. É doutora en Química pola USC (2005) e, tras a súa etapa no UFZ-Umweltforschungzentrum Leipzig-Halle (Alemaña) (2005-2006) e na Universidade da Coruña (2006-2009), regresou á USC como investigadora Ramón y Cajal en 2009 e, tras traballar en diferentes postos, é profesora titular desde 2022. É editora da revista de Elsevier Journal of Environmental Chemical Engineering.

O foco principal da súa investigación é a avaliación do impacto ambiental e o risco humano derivado da exposición a contaminantes orgánicos. Isto conseguirase mediante: o desenvolvemento de metodoloxías analíticas de alto rendemento, o estudo da presenza e distribución de contaminantes orgánicos no medio ambiente (principalmente o medio acuático), a estimación da fracción bioaccesible de contaminantes, a identificación de produtos de transformación durante os tratamentos de auga, o estudo da exposición a contaminantes mediante análise de ouriños (biomonitorización) e mediante análise de augas residuais con fins epidemiolóxicos (WBE).